|
|
Aldeia Nanu, sub-distritu Fatumean, distritu Covalima
Fatumean hanesan sub-distritu ida husi sub-distritu hitu iha distritu Covalima no nia fatin iha tasi mane parte oueste nian iha nasaun Timor-Leste nia laran. Sub-distritu ida ne’e nia fatin besik los fronteira ho rai-Indonesia, ne’e duni husi Fatumean ita bele haree ba distritu Belu iha Timor Barat, Indonesia. Populasaun iha Fatumean laduun barak kompara ho fatin seluk iha Timor-Leste no ema barak liu hela hamutuk iha knua ki’ik.
Aldeia ida ne’ebé konsega hili hanesan fatin peskiza naran Nanu no nia populasaun hela iha foho Nanu nia leten (ho nia aas metru 925) no tama iha suco Dakolo. Atu la’o ain husi Nano ba-mai Fatumean vila haan tempu besik oras tolu no eskola ho klinik saude iha vila hotu. Viajen husi Fatumean ba Suai ninia do’ok maiz ou menus kilometru haatnulu no susar tamba kondisaun estrada la diak liu. Baibain ema ba Suai la’o ain de’it no viajen ne’e haan tempu loron ida tomak.
Rai Fatumean nia aas maiz ou menus metru 500 sura husi nivel tasi no iha foho leten iha fatin balu aas to’o metro 1000. Komunidade iha nebaa tenki muda tun husi Foho Nanu nia leten tamba bee iha nebaa araska. Sira mos labele halo natar tanba bee latoo.
Lingua dahuluk iha Fatumean mak lia-Tetun Terik, entaun iha ligasaun lingua no mos kultura ho ema Tetun Terik sira iha distritu Belu iha Indonesia. Relasaun entre komunidade Fatumean no sira iha mota sorin forti to’o agora, no ema tama ilegal ba Indonesia beibeik tamba povo iha nebaa iha intereste atu liga sira nia familia ho fila liman iha Timor Barat. Polisia Fronteira iha nebaa, hamutuk ho militar Indonesia sira, seidauk bele hapara ema nia atividade ilegal tama-sai Indonesia.
|
|
   |
 |
| Globalism Institute ©Copyright
2006 |
|
