|
|
Sub-distritu Lolotoe, distritu Bobonaro
Lolotoe iha foho leten iha parte selatan husi distritu Bobonaro no nia aas besik to’o metro 1000 sura husi tasi. Sub-distritu ida ne’e iha suco hitu ne’ebé konta rai inklui foho tolu ho naran: foho Culu, foho Sivi no foho Gubul Baa. Hanesan mos sub-distritu barak iha Timor-Leste, Vila Lolotoe fatin ida ne’ebé rame no ema barak hela, no inklui mos fatin publiku por ezemplu igreja, stasiun polisi, klinik saude, biblioteka, merkadu iha loron sábadu, loja, eskola primaria no eskola pre-sekondaria.
Iha Lolotoe udan tun durante fulan sia iha tinan ida nia laran no povo iha nebaa hasoru beibeik difikuldade tamba anin bo’ot mai estraga sira nia to’os no uma. Viajen ba mai Lolotoe susar no dala ruma imposivel liu estrada ho kareta tamba udan bo’ot. Desde ukun rasik aan to’o agora governu hadia parte balun de’it husi estrada Maliana ba Lolotoe. To’os nain barak la’o ain oras lima ba Suai atu fa’an sira nia modo iha merkadu.
Ema husi Lolotoe membru grupu ida ne’ebé ko’ália lia-Bunaq no ema Bunaq mos hela iha distritu Covalima no balun hela iha sub-distritu seluk iha Bobonaro nomos area balun iha Timor Barat besik fronteira. Ema nia familia iha Lolotoe bo’ot los no dala ruma husi familia ida ema balun hela iha mota sorin. Tamba ida ne’e, ema tama beibeik Timor Barat atu vizita sira nia familia. Lian seluk iha parte oueste iha Timor-Leste mai husi grupu Austronesia, maibe Bunaq nia hun husi lian Papua nian. Populasaun barak iha Lolotoe mos hatene ko’ália lian nasaun nian, Tetun, no lia-Indonesia.
Iha fulan Julhu 2007 Globalism Institute iha planu halo peskiza iha Lolotoe maibé iha tempu nebaa konflitu ida mosu entre membru komunidade lokal, igreja no ema husi partidu polítika diferente. Impaktu husi konflitu ne’e besik uma ruanulu estraga no ema balun halai. Aban-bainrua Globalism Institute iha komitmen atu servisu iha Lolotoe maibé agora dadaun sei hein lai no haree situasaun.
|
|
   |
 |
| Globalism Institute ©Copyright
2006 |
|
