|
|
Aldeia Sare Lari, sub-distritu Luro, distritu Lautem
Luro sub-distritu ida ne’ebé iha foho leten no ki’ik liu sub-distritu seluk, distritu Lautem iha sub-distritu lima, no parte leste iha nasaun Timor-Leste. Ema barak iha sub-distritu ida ne’e hela iha fatin ne’ebé aas hanesan metro 500. Se sae kareta tenki tuir dalan husi Baucau ba Lospalos, depois seidauk to’o Lospalos fila ba los no tuir dalan ba arah selatan. La iha dalan ne’ebé liga sub-distritu Luro ho sub-distritu seluk entaun laduun iha ema seluk liu iha nebaa. Tuir dalan bele to’o Vila Luro no sei sae kareta bo’ot (4WD) bele to’o suco balun, maibe iha mos fatin ne’ebé dalan la to’o entaun tenki la’o ain ka sae kuda. Tamba ida ne’e, susar ba ema iha nebaa atu kontaktu ho ema iha komunidade seluk. Susar atu hetan informasaun tamba laiha ahi, hanesan mos fatin barak iha Timor-Leste, no mos araska atu hetan rede telefoni.
Luro iha uma barak liu duke sub-distritu sira seluk iha Lautem, maibé populasaun iha nebaa sei menus tuir standar nasional. Iha Luro nia laran iha suco ne’en, no fatin peskiza ne’ebé ami hili naran aldeia Sare Lari iha suco Barikafa. Luro la do’ok husi fatin bee moris entaun agrikultura sira iha nebaa halo to’os uza irigasaun.
Iha distritu Lautem maioria ko’ália lia-Fataluku, maibé iha Luro ema barak ko’ália lia-Makassae, ne’ebe lian maioria husi distritu Baucau, nomos lia-Sa Ani, lian ida ne’ebe ema uitoan de’it mak komprende no ema sira ne’e hela iha Luro nia laran deit. Lian sira ne’e hotu nia hun husi grupu lian Papua nia. Iha mos ida tan ne’ebé dada peskizador nia interese kona-ba distritu Lautem nomos Oecusse katak iha nebaa ema barak liu komprende lia-Indonesia duke lian nasional, Tetun.
|
|
   |
 |
| Globalism Institute ©Copyright
2006 |
|
