|
|
Aldeia Abani, sub-distritu Passabe, distritu Oecusse
Ami espera katak ami nia peskiza iha Passabe atu komesa iha 2008. Passabe fatin ida ne’ebé ami hili hanesan fatin peskiza tamba nia do’ok husi sidade Oecusse nomos iha ligasaun barak ho ema iha Timor Barat, rai-Indonesia. Passabe nia fatin iha parte selatan iha distritu Oecusse.
Passabe rai ida que ki’ik liu sub-distritu sira seluk iha Oecusse (inklui suco tolu, Abani, Malelat no Haemnanu), maibé nia populasaun barak liu sira seluk. Uma iha Passabe barak liu duke uma iha sub-distritu Pante Makassar, nomos uma iha Passabe barak liu dala rua husi standar nasional. Razaun ida atu esplika tanba sa populasaun iha Passabe bo’ot los katak foho iha Passabe iha bee moris barak, liu sub-distritu sira seluk.
Distritu Oecusse nia fatin unik tamba do’ok los husi distrito sira seluk iha rai Timor-Leste. Sura husi fronteira ho Timor Barat ne’ebé fahe Timor-Leste ho Indonesia Nusa Tengara Timor (NTT), Oecusse nia dook kilometru ualunulu ba oueste no se Oecusse ne’e la’ós iha tasi ibun, nia rai heleu hotu ho fronteira internasional.
Regulamentu kona-ba tenki lori pasaporte no visa bainhira la’o husi Oecusse, liu rai-Indonesia no tama fali iha Timor-Leste ne’e katak povu barak iha Oecusse la bele la’o tuir estrada ba Timor-Leste. Entaun povu Oecusse depende ba roh ida atu lori sira ba Dili para sira bele iha ligasaun ho fatin seluk iha Timor-Leste no nia halai semana ida dala rua de’it.
Dala barak susar atu la’o husi Passabe ba roh nia fatin iha Pante Makassar tanba mota Tono bo’ot los durante tempu udan. Iha difikuldade oi-oin ba ema Oecusse se sira hakarak liga ema iha distritu seluk iha Timor-Leste, entaun sira barak liu fa’an no hola sasaan ho ema iha Timor Barat. Iha buat barak ne’ebé liga ema husi Oecusse ho Timor Barat, inklui negosiu, familia no grupu etniku ne’ebé balun nia hun husi tempu uluk, antes sira halo distritu Oecusse.
|
|
   |
 |
| Globalism Institute ©Copyright
2006 |
|
